Esmorga
Folk

Nace o Esmorga Folk

O festival nace froito do esforzo dun grupo de mozos e mozas da vila de Bandeira, amantes da música tradicional, que vían como esta se deterioraba co paso do tempo. Consolidouse grazas ao empeño da organización de xuntar, ano tras ano, grupos de gran renome do panorama musical do momento, chegados de todo o mundo.

Grandes nomes do folk

Por Bandeira pasaron agrupacións como Koun (Bretaña) ou Luar na Lubre, un dos grupos máis importantes do panorama folk de todos os tempos, así como Leilía, Mercedes Peón, Carlos Núñez ou Kepa Junquera, e grupos internacionais como Vladimir y Serguev ou Dhais.

No 2000, o Esmorga achégase a Asturias, actuando Tejedor xunto a Rumbadeira e Son de Pan, entre outros.

Plataforma de novos talentos

Participaron no Esmorga grupos como Susana Seivane, Ruote, Pepe Vaamonde, Matraca Perversa, Tres Pesos, Os Melidaos, Treixadura, Fiandola, Quempallou, Tiruleque, A Roda ou Tanxugueiras.

O festival apostou en todas as súas edicións por grupos que estaban a comezar a súa carreira, converténdose nunha importante plataforma de impulso. É o caso de Leilía ou Tanxugueiras, que naceron neste evento musical e ao que posteriormente acudiron en diversas ocasións.

Unha cita ineludible

Na actualidade, o Esmorga Folk está encadrado no venres da Festa da Empanada, xornada que conta ademais con actuacións de baile e música tradicional galega, xogos tradicionais e outras actividades. É un dos festivais folk máis importantes da nosa terra.