O festival de rock que dende 1998 achega grupos de referencia e talento local ao xoves da Festa da Empanada.
De pequeno encontro entre amigos a festival de referencia do rock galego.
A andaina do Festival Bandeirock comeza cando un grupo de amigos e amigas decide darlle un pouco de rock ás festas de verán da vila da Bandeira. O que comezou sendo un pequeno encontro de amantes do rock foi evolucionando co paso do tempo ata converterse nun festival de referencia no noso país.
Dende hai anos, a Asociación Amigos da Empanada encárgase da súa organización baixo a denominación Empanada Fest, que comparte co seu curmán o Esmorga Folk. O Bandeirock ten lugar o xoves da Festa da Empanada, xornada na que a veciñanza pode gozar doutras actividades culturais e gastronómicas.
O Festival Bandeirock reuniu a grupos de relevancia nas súas diversas edicións, entre os que podemos destacar a Che Sudaka, NAO, Calle del Ruido, Mojo Experience, Os John Deeres, Salavelatoria ou The Ron Jeremy Band, entre outros.
Na esencia deste festival atopamos o apoio a grupos de música locais que precisan dunha maior visibilidade para ocupar un espazo na industria musical: Skarmento, Som do Galpom, Tiro na Testa, Froján, Semos Peligrosos ou Cambotes medraron baixo a festa rock da Bandeira.
Pero, sen dúbida, o grupo por excelencia do Bandeirock é Kona Ke Te Fixo, banda que iniciou o festival e simboliza a súa esencia.
Algúns dos nomes que fixeron historia sobre o escenario do Bandeirock.
Leva alimentos non perecedoiros ao festival e entrégaos á organización. Deste xeito, colaboras co Banco de Alimentos de Servizos Sociais do Concello de Silleda e axudas de forma directa a decenas de familias en risco de exclusión social.
Carballeira da Festa da Empanada, Bandeira (Silleda).
Concello de Silleda
Xunta de Galicia
Xacobeo 2027
Turismo de Galicia
ABANCA
Deputación de Pontevedra
Ferrovial
Silledasostible
Nudesa
Culinaria
O Muíño de Cerdedo
Vegalsa
Inturasa Pérez Rumbao
Gadisa
Froiz
Bandeira
Schweppes
Reserva a data: 22 de agosto de 2026
Canle de WhatsApp