Peñas · Festa da Empanada

Unha xornada de troula

As peñas levan empanadas, bebidas e outros produtos da gastronomía galega para compartir mesa nunha das citas máis multitudinarias do verán.

A comida de peñas comeza ás 15:00 horas e está amenizada por grupos musicais que prenden a festa antes de dar paso ás orquestras, que adoitan comezar a media tarde.

A gran cea

Pola noite, ás 22:00 horas, as peñas volven xuntarse na carballeira para a gran cea, que funciona como antesala á gran verbena. A música nesta xornada nunca se detén.

Reserva de mesas

Se queres comer e/ou cear na Festa da Empanada, debes reservar a túa mesa con anterioridade. A Asociación abre o período de reserva do 5 ao 18 de agosto. Cada mesa ten capacidade para 10 persoas.

A Festa da Empanada só facilita as mesas; as peñas levan a comida, bebida, mantel, cubertos e demais necesidades.

Socios/as · primeiras 2 mesas

20 €

Prezo por mesa, independentemente de se é para comer, cear ou ambas.

Socios/as · a partir da 3ª mesa

25 €

Prezo por mesa adicional para persoas asociadas.

Non socios/as

35 €

Prezo por mesa para persoas non asociadas.

Reservas (WhatsApp) +34 621 08 71 17

Venda de empanadas e polbería oficial

A festa conta cun punto de venda de empanadas para quen o precise, e con polbería oficial para quen non desexe alquilar mesa pero queira comer ou cear na Festa da Empanada.

Na actualidade, a polbería oficial é Polbería Porta de A Estrada (659 908 745).

Normas da carballeira

Busca o teu espazo coa axuda do mapa. Se non atopas a túa mesa, consulta a alguén da organización; en ningún caso te sentes en mesas asignadas a outras peñas.
Goza da festa pero sempre respectando ás demais persoas. Non estás só na carballeira.
Mantén a carballeira limpa. Non tires o lixo ao chan, deposítao nas bolsas de cada mesa ou nos colectores repartidos polo espazo.
Vixía en todo momento aos nenos e nenas. O alto número de persoas asistentes pode supor un perigo para a rapazada máis nova.
Non é non. A Empanada libre de violencias machistas.
Ante calquera problema de saúde ou seguridade, acude ao posto de mando avanzado habilitado na festa.
É a Festa da Empanada, así que come moita empanada galega. Se non che gusta, podes probar cunha empanadilla.
Volve o ano que vén!

Comida e cea de peñas